«Օհանյան-Րաֆֆի-Օսկանյան» դաշինքն ինքնատիպ է այն առումով, որ այն իմի է բերում տարբեր հետագծեր ունեցող մարդկանց և այլընտրանք է իշխանություններին: Քարոզարշավի ամփոփիչ ասուլիսին այս մասին ասաց «Օհանյան-Րաֆֆի-Օսկանյան» դաշինքի գանդամ, «Ժառանգություն» կուսակցության նախագահ Րաֆֆի Հովհաննիսյանը:
Նրա խոսքով՝ Հայաստանում ընտրությունների միջոցով իշխանությունները չեն փոխվել, բայց դա անհրաժեշտ է մեր երկրին: «Գլխավոր պատասխանատուն իշխանությունն է, բայց միայն իրավակարգ, լեգիտիմ իշխանություն ունենալով է, որ կկարողանանք զարգացնել երկիրը… Մինչև հիմա մենք գլուխներս կախ ներկայացել ենք աշխարհին՝ Մոսկվայում փորձելով խոսել ռուսերեն, Ամերիկայում անգլերեն…: Վերջապես պետք է ունենալ իշխանություն, որը պատկանում է ժողովրդին»,- նշեց Րաֆֆի Հովհաննիսյանը:
Նա վստահեցրեց, որ ամեն ինչ անելու են, որ կանխեն ընտրակեղծարարությունը, որպեսզի ընտրությունները մոտ լինեն ժողովրդավարությանը: «Ժամանակն է իշխող կուսակցությանն ուղարկել պարկեշտ ընդդիմության շարքերը»,- ընդգծեց Ր. Հովհաննիսյանը:
Նրա խոսքով՝ եթե համատարած համակարգային խախտումները շարունակվեն, իրենք կսպասեն ազդակներ հասարակությունից և, ըստ այդմ, կորոշեն, թե ապրիլի 3-ին ինչով են զբաղվելու:
Մանրամասները՝ տեսանյութում:
