«Խնդիրները, որոնք բարձրացվում են քարոզարշավային մակարդակում, համարժեք չեն ռեալ իրականության խնդիրներին: Ստվերային քարոզարշավում շատ փոքր մասշտաբի խնդիրներ են առաջ քաշվում,- «Առաջին լրատվական»- ի հետ զրույցում ասաց մշակութային մարդաբան Աղասի Թադևոսյանը: Նրա խոսքով՝ երևացող և չերևացող հարցադրումները հատման եզրեր պետք է ունենան, որպեսզի առաջադրվողը աշխատի, և չմնա դատարկ տեքստ:
«Այն ամենը, ինչ տեսնում ենք քարոզարշավի ընթացքում, դատարկ տեքստի գործառույթ է իր մեջ կրում, իսկ չերևացող կողմը իրական պրակտիկան է, որը փողն է և մանր-մունր հարցերը, որոնք լուծվում են թաղային ազդեցիկ անձանց կողմից:
Խորհրդային շրջանում ձևավորվել և ժառանգվել է մեզ կրիմինալ կամ կրիմինալամերձ համագործակցությունը, որն աշխատում է թաղային հեղինակություններին միաձուլված: Խորհրդային շրջանից ժառանգված մեկ այլ մեխանիզմը բյուրոկրատինա է, խորհրդային նոմենկլատուրան դարձավ հետխորհրդային նոմենկլատուրա, մի մասը մտավ բիզնես, մյուսը՝ կառավարող վերնախավ»,- նշեց Ա. Թադևոսյանը:
«Կորցնում ենք Հայաստանը»,- ահազանգում է մշակութային մարդաբանը և ընդգծում, որ մեր պետության ապագան անորոշ է:
Մանրամասները՝ տեսանյութում: