ԴԱՀԿ նախկին պետ, ՀՀԿ պատգամավորության թեկնածու Միհրան Պողոսյանը «Առաջին լրատվական»- ի հետ զրույցում անդրադառնալով հարցին, թե ում է համարում մրցակից, նշեց. «Պրոբլեմներին եմ ինձ մրցակից համարում»: Իսկ թե ինչու այսքան տարի չի կարողացել լուծել պրոբլեմները, Միհրան Պողսյանը նշեց, որ պրոբլեմները լուծել է որտեղ որ եղել է. «Հիմա նոր ասպարեզ է, նոր հարթակ է, նոր հարթակում պրոբլեմները յուրովի են և յուրովի լուծումներ են պետք: Կան շատ անելիքներ, և ես ինձ տեսնում եմ այդ անելիքների մեջ»:
Անդրադառնալով վերջերս վարչապետի կողմից արված հայտարարությանը որ, կառավարության ղեկավարը Միհրան Պողոսյանին չի տեսնում Գործադիրում, Միհրան Պողոսյանը նշեց. «Մենք գնում ենք Օրենսդիր, սա Օրեսդիր մարմնի ընտրություններն են, Գործադիր մարմնի մասին մենք չենք խոսում, հարթակը Օրենսդիր մարմնում աշխատելու համար է, և ես այսօր գնում եմ Օրենսդիր: Կյանքը մնացածը ցույց կտա, թե որտեղ, ինչ, ոնց կհայտնվենք: Ես բազմիցս ասել եմ՝ ես պատրաստ եմ իմ ուժը, գիտելիքները, փորձը, թիմը ներդնել այնտեղ, որտեղ ՕԳԳ-ն կլինի ամենամեծը: Կարևորը որ ես ունեմ այդ ցանկությունը և սիրում եմ իմ երկիրը»:
Մանրամասները՝ տեսանյութում:
