Գերմանիայի իշխանություններն անցած տարի 3 533 հարձակում են արձանագրել միգրանտների և փախստականների կացարանների վրա: Այս մասին գրում է Westdeutsche Allgemeine Zeitung թերթը՝ վկայակոչելով Բունդեսթագում Ձախ կուսակցության խմբակցության համապատասխան հայտին Գերմանիայի ՆԳՆ-ի պատասխանը:
Գերատեսչության տվյալներով՝ ապաստան խնդրողների վրա նրանց բնակավայրից դուրս հարձակվել են 2 545 անգամ: Կացարանների վրա 2016 թ. 988 հարձակում է իրականացվել: Մեկ տարի առաջ իշխանություններն արձանագրել են 1 031 այդպիսի հարձակում:
Ամբողջ տարում այդպիսի հարձակումների հետևանքով 560 մարդ է տուժել, նրանց թվում՝ 43 երեխա:
Բացի դրանից՝ 217 հարձակում է իրականացվել հումանիտար կազմակերպությունների ներկայացուցիչների և կամավորների վրա:
