«Ազգային ժողովում սարի անասուն չպետք է լինի, պետք է լինեն կարգին պատգամավորներ»: Օրերս այսպիսի կարծիք էր արտահայտել գրականագետ Դավիթ Գասպարյանը: «Առաջին լրատվական»-ի հետ զրույցում գրականագետն անդրադառնալով հարցին, թե որակական առումով մենք այլ խորհրդարան կունենա՞նք՝ հաշվի առնելով այն ներկապնակը, որ այս պահին մեզ ներկայացել է, պատասխանեց. «Ցանկությունը մի բան է, իրականությունը՝ այլ բան: Ես կուզեմ՝ ով ուզում է լինի, ազգային շահից ծնված անհատ լինի՝ իր ժողովրդի մասին մտածող, և այն խոստոմները, որ տալիս է, գոնե դրանց մի մասը կատարի:
Դժբատաբար մենք գործ ունենք անարդար իրականության հետ, երբ մարդիկ ամեն քայլի դիմում են՝ ցատկելու, անցնելու սահմանը, հետո մոռնում են իրենց խոստումների մասին: Առանձնապես լավ բան չեմ տեսնում: Նույնը մի քիչ այլ տարբերակով վերարտադրվելու է»:
Ընտրությունից ընտրություն գրողների, արվեստագետների, մտավորականների մի ստվար հատված միշտ կանգնել է իշխանության կողքին, և այն մտքերը, որ պետք է գեներացնեին և ուղղորդեին հանրությանը, չեն եղել: Այս անգա՞մ էլ նույն իրականությանն ենք բախվելու: Այս հարցին ի պատասխան՝ Դ. Գասպարյանը նշեց, որ մտավորականը, երբ հաճոյանում է իշխանություններին, այլևս մտավորական չէ: «Նողկանք ունեմ այդպիսի մտավորականների հանդպ: Մտավորականը պետք է իր երկրի, իր ժողովրդի պատիվը բարձր պահի և իշխանությանը մղի ծառայելու ժողովրդին: Եթե մտավորականը քծնեց, հաճոյացավ մի բան փախցնելու, պաշտոնի հասնելու համար, ես դա չեմ ընդունում»:
Գրականագետի խոսքով՝ մտավորականությունն այսօր դժբախտաբար մեծ կշիռ չունի հանրային կյանքում:
Մանրամասները՝ տեսանյութում: