Տնտեսական պատժամիջոցները չեն ստիպի Իրանին հետ կանգնել իր միջուկային ծրագրից, չնայած Արևմուտքի հետ երկխոսություն հաստատելու՝ նախագահ Հասան Ռուհանիի վարչակազմի նոր մոտեցմանը: Այս մասին հայտարարել է Իրանի արտգործնախարար Մուհամմադ Ջավադ Զարիֆը պետական հեռուստատեսության հետ հարցազրույցում:
Նա ընդգծել է, որ Թեհրանը չի հրաժարվի իր սկզբունքներից, սակայն մեթոդը կփոխի: «Մեր արտաքին քաղաքականության հիմքերը դրված են սահմանադրությամբ, որի հիմնական սկզբունքները չեն կարող փոխվել»,- ասել է նա:
Զարիֆը նաև նշել է, որ Ռուհանիի կառավարությունը կպաշտպանի համաշխարհային տերությունների հետ բանակցություններում խաղաղ ատոմի կիրառման Իրանի իրավունքը: Այս մասին հայտնում է ITAR-TASS-ը:
Երեքշաբիթ հայտնի է դարձել, որ միջազգային «վեցյակի» հետ բանակցություններում իրանական պատվիրակությունը հնարավոր է՝ գլխավորի հենց արտգործնախարարը, որը նախկինում ընդգրկված է եղել Ռուհանիի գլխավորած բանակցային խմբի կազմում:
