Մայիսի 24-ին Բահրեյնի Թագավորությունում Հայաստանի դեսպան Վահագն Մելիքյանը (նստավայրը՝ Աբու Դաբի) իր հավատարմագրերը հանձնեց Բահրեյնի Թագավոր Նորին Արքայական Մեծություն Համադ բին Իսա Ալ Խալիֆային:
Հավատարմագրերի հանձնման արարողությունից հետո կայացած զրույցի ընթացքում դեսպան Մելիքյանը ՀՀ Նախագահ Սերժ Սարգսյանի ողջույններն ու բարեմաղթանքները փոխանցեց Թագավորին:
Հանդիպման ընթացքում քննարկվել են հայ-բահրեյնյան հարաբերությունների զարգացման, միջազգային կառույցներում համագործակցության, ինչպես նաեւ երկուստեք հետաքրքրություն ներկայացնող մի շարք հարցերի շրջանակ: Կարեւորվել է երկու երկրների միջեւ իրավապայմանագրային դաշտի ընդլայնումն ու փոխադարձ այցերի ակտիվացումը:
Թագավորն իր ջերմ ողջույններն ու բարեմաղթանքներն է փոխանցել ՀՀ Նախագահ Սերժ Սարգսյանին:
Բացի պաշտոնական հանդիպումներից, դեսպանը հանդիպել է նաեւ Բահրեյնի հայ համայնքի ներկայացուցիչների հետ: