Human Rights Watch կազմակերպության համաշխարհային զեկույցում Հայաստանի մասով անդրադարձ է կատարվել հուլիսյան իրադարձություններին: Զեկույցում մասնավորապես նշվում է, որ իրավապահ մարմինները բիրտ ուժ են կիրառել ինչպես ցուցարարների, այնպես էլ լրագրողների նկատմամբ: «Առաջին լրատվական»- ի հետ թեմայի շուրջ զրույցում իրավապաշտպան Վարդան Հարությունյանը նշեց, որ ցանկացած կազմակերպություն, որը հարկ կհամարի անդրադառնալ վերջին տարիներին Հայաստանում մարդու իրավունքների իրավիճակին, ապա այդ գնահատականները կլինեն բացասական:
Իրավապաշտպանի խոսքով՝ հուլիսյան դեպքերի մարդաորսը, խաղաղ ցույցի և՛ մասնակիցների, և՛ ոչ մասնակիցների նկատմամբ բռնությունները, և՛ Սարի թաղի բնակիչների նկատմամբ բռնությունները չէին կարող վրիպել իրավապաշտպանների աչքից, առավել ևս այնպիսի լուրջ կազմակերպության աչքից, ինչպիսին Human Rights Watch-ն է:
Վ. Հարությունյանի դիտարկմամբ՝ Հայաստանի իշխանությունները, սկսած 2000-ականների սկզբից՝ միշտ էլ խրախուսել են ուժային կառույցներին, բռնարարներին. «Նրանք ինքանգլուխ չեն կատարում գործողությունները, ստանում են հանձնարարություն և կատարում են»:
Մանրամասները՝ տեսանյութում:
