Մարդու իրավունքների եվրոպական դատարանը, քննելով մուսուլման ընտանիքի դատական հայցը շվեյցարական իշխանությունների դեմ, եկել է այն եզարահանգման, որ Շվեյցարիայի իշխանությունների պահանջը, որի համաձայն իգական սեռի մուսուլման աշակերտերը պարտավոր են մասնակցել լողի համատեղ դասընթացներին, չի խախտում կրոնական դավանանքի իրավունքը։ Այս մասին հաղորդում է BBC-ն։
Քննելով հայցը դատարանը վճռել է, որ երկրի իշխանությունները լիակատար իրավունք ունեն պահանջելու, որպեսզի դպրոցներում լողի դասընթացների ժամանակ աղջիկների և տղաների համատեղ պարապմունքներ անցկացվեն, ինչը կնպաստի դպրոցական ծրագրի ամբողջական իրականացմանն ու երեխաների ինտեգրմանը հասարակությանը։
Համապատասխան բողոքի հայցով դատարան էր դիմել ծագումով Թուրքիայից Շվեյցարիայի երկու քաղաքացի, որոնք արգելել էին իրենց դուստրերին տղաների հետ մասնակցել լողի պարտադիր դասընթացների։ Շվեյցարիայի իշխանությունները հայտարարել են, որ նման դասընթացներից իրոք կարելի է հրաժարվել կրոնական պատկերացումներից ելնելով, եթե աղջիկները հասել են սեռական հասունացման տարիքին, ինչը տվյալ դեպքում չի եղել։
