Հայտնի է, որ ֆուտբոլիստ Գարեթ Բեյլը յուրաքանչյուր գոլից հետո երկրպագուներին, այսպես ասած, «ձեռակերտ սիրտ» է ցուցադրում: Այս սովորությունը մարզիկին այնքան է դուր եկել, որ նա որոշել է պատենտավորել այն և գումար վաստակել:
Փորձագետները նշում են, որ այս միջոցով Բեյլը կարող է տարեկան վաստակել մոտ 3 մլն ֆունտ ստեռլինգ:
Այդ իրավունքը, սակայն, ֆուտբոլիստը հեշտությամբ չի ստացել: Այդ ժեստն աչքի տակ էր առել նաև դեռահասների սիրելի Ջասթին Բիբերը:
Երգչի երկրպագուները մարզիկին մեղադրել են, որ նա գողացել է Բիբերի «ֆիրմային նորարարությունը»:
Դատարանը, սակայն, վերջակետ է դրել այս գործին: Մտավոր սեփականության գերատեսչությունը հաստատել է Գարեթ Բեյլի իրավունքը ապրանքանիշի նկատմամբ, հաղորդում է Eurosport-ը:
Ի դեպ, ձեռնարկատերերն արդեն առաջարկել են ֆուտբոլիստին հագուստի հավաքածու թողարկել՝ «ձեռակերտ սրտով»:
