Մադրիդի «Ռեալ»-ի հարձակվող Կրիշտիանու Ռոնալդուն դարձել է «Ոսկե խաղակոշիկ»-ի դափնեկիր, ինչը շնորհվում է եվրոպական ազգային առաջնությունների գլխավոր ռմբարկուին:
Այս մրցաշրջանում Ռոնալդուն վաստակել է 80 միավոր, ինչը 18 միավորով ավելին է, քան վաստակել է աշխարհի լավագույն ֆուտբոլիստի կոչմանն արժանանալու հարցում նրա գլխավոր մրցակից, արգենտինացի Լիոնել Մեսին:
Հիշեցնենք, որ «Ոսկե խաղակոշիկ»-ի դափնեկրին որոշելիս հաշվի են առնում ֆուտբոլիստի խփած գոլերի քանակը՝ դա բազմապատկելով տվյալ առաջնության գործակցով: Եվրոպական բոլոր առաջնությունները բաժանված ե երեք խմբի և ըստ դրա ստացել են 2, 1.5 և 1 միավորանոց գործակից:
2 միավոր ստացել են հինգ ուժեղագույն առաջնությունները, 6-21-րդ տեղը զբաղեցնող առաջնությունների գործակիցը կազմել է 1.5 միավոր, իսկ մնացածը՝ 1 միավոր:
2010/11 մրցաշրջանում Եվրոպայի առաջնության լավագույն 10 ռմբարկուներն են.
1. Կրիշտիանու Ռոնալդու (Մադրիդի «Ռեալ», Պորտուգալիա) – 40 գոլ, 80 միավոր
2. Լիոնել Մեսի («Բարսելոնա», Արգենտինա) – 31 գոլ, 62 միավոր
3. Անտոնիո Դի Նատալե («Ուդինեզե», Իտալիա) – 28 գոլ, 56 միավոր
4. Մարիո Գոմես («Բավարիա», Գերմանիա) – 28 գոլ, 56 միավոր
5. էդիսոն Կավանի («Նապոլի», Ուրուգվայ) – 26 գոլ, 52 միավոր
6. Պապիսս Սիսե («Ֆրայբուրգ», Սենեգալ) – 22 գոլ, 44 միավոր
7. Մուսսա Սոու («Լիլլ», Սենեգալ) – 22 գոլ, 44 միավոր
8. Դիմիտար Բերբատով («Մանչեսթեր Յունայթեդ», Բուլղարիա), 21 գոլ, 42 միավոր
9. Սամուել էտօ (Միլանի «Ինտեր», Կամերուն) – 21 գոլ, 42 միավոր
10. Քևին Գամեյրո («Լորիան», Ֆրանսիա) – 21 գոլ, 42 միավոր
Հիշեցնենք, որ նախորդ մրցաշրջանի արդյունքներով՝ 34 խփած գոլերով Լիոնել Մեսին դարձավ «Ոսկե խաղակոշիկ»-ի դափնեկիր, իսկ Կրիշտիանու Ռոնալդուն 26 փած գոլերով միայն 7-րդն էր:
Ի դեպ, Ռոնալդուն 2008 թվականին արդեն իսկ արժանացել է «Ոսկե խաղակոշիկ»-ին՝ «Մանչեսթեր Յունայթեդ»ի կազմում Անգլիայի առաջնությունում խփելով 31 գոլ:
