Լոնդոնի «Տոտենհեմ»-ը հերքել է այն լուրերը, որ Գարեթ Բեյլի նկարը Twitter-ի էջից հեռացնելը կապ ունի խաղացողի առաջիկա տրանսֆերի հետ:
«Կարծես` Twitter-ի մեր պաշտոնական էջում նկարի փոփոխությունը մեծ աղմուկ է բարձրացրել:
Այն բանից հետո, երբ Քլինթ Դեմփսին հեռացավ ակումբից, ճիշտ ժամանակն էր ետնանկարը փոխելու համար: Այդ նկարում կար նաև Գարեթ Բեյլը: Մենք պարբերաբար փոխում ենք սոցցանցերում մեր նկարները` օգտագործելով բոլոր խաղացողների նկարները», – նշվում է հայտարարության մեջ:
Հիշեցնենք, որ Գարեթ Բեյլի տրանսֆերը ցանկանում է գնել «Ռեալ»-ը, որը պատրաստ է վճարել 100 մլն եվրո: