Հունիս և հուլիս ամիսներին հնարավոր է դիտել անսովոր արծաթափայլ ամպեր։ Արծաթափայլ ամպերը Երկրի մթնոլորտի ամենաբարձր ամպերն են, որոնք կազմված են Արեգակի լույսով լուսավորված սառցե բյուրեղներից։ Դրանք ձևավորվում են 80-85 կիլոմետր բարձրության վրա՝ մթնոլորտի ամենացուրտ շերտերից մեկում՝ վերին մեզոսֆերայում։
«Հունիսն ու հուլիսը արծաթափայլ ամպերի ձևավորման և դիտարկման լավագույն ամիսներն են։ Այդ ժամանակ մեզոսֆերայում սովորաբար գրանցվում են ամենացածր ջերմաստիճանները, իսկ Արեգակը գտնվում է հորիզոնից 6-16 աստիճան ցածր դիրքում, ինչի շնորհիվ ամպերը լավ տեսանելի են դառնում միջին լայնություններում», – նշել է աստղագետը։
Արծաթափայլ ամպերի առաջացման համար անհրաժեշտ են ոչ միայն ցածր ջերմաստիճան և ջրի մոլեկուլներ, այլև բյուրեղացման կենտրոններ հանդիսացող մասնիկներ, որոնց վրա սկսում են աճել սառցե բյուրեղները։ Այդպիսի մասնիկներ կարող են լինել երկնաքարային փոշին, երկրային ծագման փոշին կամ հրաբխային աէրոզոլները։ Ռուսաստանում արծաթափայլ ամպեր տեսնել կարող են Մոսկվայի և Սանկտ Պետերբուրգից, երբեմն նաև ավելի հյուսիսում՝ Պետրոզավոդսկում, և ավելի հարավում՝ Օրյոլում։
