Հետազոտողները հաշվարկել են քրոմոսոմային «Ադամի» և միտոհոնդրիալ «Եվայի» տարիքը:
Ամերիկացի գենետիկները կարողացել են հաշվարկել Երկիր մոլորակի վրա մարդկանց ենթադրյալ նախնիների տարիքը՝ հաղորդում է GlobalScience պորտալը: Ստացված տվյալների համաձայն՝ նրանք ապրել են գրեթե 150 հզ. տարի առաջ:
Հետազոտողները կարողացել են լիովին վերականգնել մարդու էվոլյուցիայի «ծառը» և մասնավորապես տղամարդու քրոմոսոմը: Մինչև հեղափոխական տեխնոլոգիաների ի հայտ գալը մարդու էվոլյուցիայի ծառը զուտ խորհրդանշական բնույթ էր կրում և հիմնականում հիմնվում էր ենթադրությունների վրա:
Հետազոտության արդյունքների հիման վրա գիտնականները կարողացել են մեծ հավանականությամբ պարզել ներկայումս գոյություն ունեցող մարդկանց նախնիների զարգացման ճյուղերը: Նախամարդկանց ենթադրյալ տարիքը հնարավոր է եղել պարզել գենոմի բացահայտման օգնությամբ: Գենոմի տվյալները փոխանցվում են բացառապես մայրական և հայրական գծով:
Պարզվել է, որ կանանց ընդհանուր նախնին ապրել է Աֆրիկայում մոտ 150 հզ. տարի առաջ, իսկ տղամարդկանց նախնին՝ ավելի վաղ՝ մոտ 160 հզ. տարի առաջ:
