Spletnik.ru-ի փոխանցմամբ՝ նոր մանրամասներ են հայտնվել Քիմ Քարդաշյանին Փարիզում կողոպտելուց։
Հյուրանոցի դռնապան Աբդուռահմանը, որին այդ գիշեր հանցագործները սպառնացել են ատրճանակով, պատմել է, որ թալանչիները եկել էին ռեալիթի շոուի աստղի կանխիկ փողերի և ոչ թե թանկարժեք ոսկյա զարդերի հետևից։
Նա լրագրողներին պատմել է, որ Քանյե Ուեսթի կինը հյուրանոցային համարում ապրել է քրոջ՝ Քորթնիի ու նրա ընկերուհի ու ոճաբան Սիմոնա Հարուշի հետ, սակայն այդ օրը Քիմի հարևանները չեն գտնվել հյուրանոցում։
Թալանչիները Քարդաշյանի համարում հայտնվել են այն ժամանակ, երբ նա պատրաստվել է քնելու, և Քիմը կարծել է, թե նրանք ոստիկաններ են, քանի որ հանցագործները եղել են ոստիկանական համազգեստով, և միայն որոշ ժամանակ անց է հասկացել, թե ինչ է տեղի ունենում։
Հանցագործները պահանջել են գումար, բայց քանի որ նրանք խոսել են ֆրանսերեն, Քիմը որոշել է, որ նրանց պետք են բջջային հեռախոսներ։ Սակայն հանցագործներից մեկը կրկնել է, որ իրենց պետք է միայն փող։
Դռնապանի խոսքերով՝ Քիմը բղավել է ողջ ուժով։ Նա որոշել է, որ հարձակում գործածներին անհրաժեշտ է 4.5 միլիոն դոլարանոց իր մատանին, որը նրան նվիրել է Քանյե Ուեսթը և նրանց է տվել իր մատանին։
Երբ հանցագործները Քիմից վերստին պահանջել են կանխիկ գումար, դռնապանը միջամտել է՝ ասելով, որ Քիմի մոտ կանխիկ գումար քիչ կա։ Դա լսելուց հետո նրանք պահանջել են Քիմի թանկարժեք զարդերը, և Քիմը հնազանդորեն կատարել է պահանջը։
