Լոնդոնի «Չելսի»-ի սեփականատեր Ռոման Աբրամովիչը նոր մարզիչ է փնտրում իր ակումբի համար: «Ազնվականներ»-ը հետաքրքրված են Թուրքիայի հավաքականի մարզիչ Գուս Հիդինգի և «Պորտու»-ի երիտասարդ մասնագետ Վիլլաշ Բոաշի ծառայություններով: Այս մասին հաղորդում է Guardian-ը:
Հատկանշական է, որ թե՛ հոլանդացին, թե՛ պորտուգալացին «Չելսի»-ում աշխատելու փորձ ունեն: Հիդինգն արդեն մեկ անգամ գլխավորել է լոնդոնյան ակումբը, իսկ Բոաշն ակումբում աշխատել է որպես Ժոզե Մոուրինյոյի օգնական:
«Չելսի»-ի ներկայիս մարզիչ Կառլո Անչելոտտին բազմիցս հայտարարել է, որ ինքը ցանկանում է շարունակել իր աշխատանքը Լոնդոնում, նա անգամ հրաժարվեց «Ռոմա»-ի առաջարկից, սակայն Աբրամովիչն այնքան էլ չի վստահում իտալացի մասնագետին:
