ՀՀԿ խմբակցության ղեկավար Վահրամ Բաղդասարյանը ԱԺ արտահերթ նիստում կառավարության ծրագրի քննարկման ժամանակ, դիմելով նոր կառավարության անդամներին և վարչապետին, նշեց. «Ձեր առաջին ներկայացումը ԱԺ-ում բավականին հաղթական էր: Նման ջերմ քննարկում երբևէ չի եղել, դա գալիս է նրանից, որ կա ահավատ կառավարության նկատամամբ»:
Կառավարության ծրագրի վերաբերյալ իր դիտարկումները ներկայացնելուց հետո Վ. Բաղդասարյանն անդրադարձավ պատգամավոր Նիկոլ Փաշինյանի գործունեությանը:
«Տարիներ շարունակ պարոն Փաշինյանը իշխանական անհատական կերպարներին քննադատելով կերտում է իր անհատական ընդդիմադիր կերպարը: Եթե չլիներ Փաշինյանը, լիներ մեկ ուրիշը, ես կմտածեի, որ նրա ինտելեկտուալ հնարավորությունները աղքատիկ են, դրա համար չի ընդարձակվում, բագաժն աղքատիկ է: Բայց լավ եմ ճանաչում, գիտեմ ունակությունները: Կարող եմ ասել, որ սա ճիշտ ճանապարհ չէ:
Մեկ-երկու տարի առաջ կարող էր նայվել, որ դուք անհատին քննադատելով անհատական ընդդիմադիր կերպար էիք կերտում, բայց դուք այսօր լուրջ քաղաքական ուժի լիդեր եք: Ձեր ընդդիմադիր քաղքական ուժի կեցվածքը պետք է կերտեք: Ավագ ընկերոջ խորհուրդ եմ տալիս՝ Նիկո՛լ ջան, փոխիր խաղի կանոնները, արդեն 4-5 տարի է, մարդիկ հոգնել՝ նույն խոսքերըը, նույն կերպարները, նույն քննադատությունը, և կերտել անհատական կերպար»,- նշեց Վահրամ Բաղդասարյանը:
Մանրամասները՝ տեսանյութում:
