«Սերժ Սարգսյանը մանիպուլացնում է հանրությանը, թյուրիմացության մեջ է գցում, թե արատավոր անձանցից ազատվում է, բայց համակարգային փոփոխություն չի ցանկանում իրականացնել»,- այս մասին այսօր ԱԺ ճեպազրույցների ժամանակ ասաց «Ժառանգություն» խմբակցության անդամ Զարուհի Փոստանջյանը: Նրա խոսքով՝ Սերժ Սարգսյանը չի ուզում ընտրությունները վերադարձնել ժողովրդին:
«Ընտրական օրենսգրքում պահպանում է իշխանության մենաշնորհը,- նշում է Զ. Փոստանջյանը,-քաղաքական մենաշնորհը միանշանակ պետք է վերանա։ ՀՀ ցանկացած քաղաքացի պետք է կարողանա իրականացնել իր ընտրական իրավունքը՝ որտեղ էլ որ գտնվի։ Մինչդեռ, միլիոնից ավելի մարդ, որ դրսում է գտնվում, չի կարողանում իրացնել իր ընտրական իրավունքը»։
Մանրամասները՝ տեսանյութում:
