Վերջին օրերի պաշտոնանկությունների շուրջ «Առաջին լրատվական»- ը զրուցեց ՀՀԿ խմբակցության ղեկավար Վահրամ Բաղդասարյանի հետ:
-Սյունիքի մարզպետին պաշտոնից հեռացնելն անհրաժեշտությո՞ւն էր՝ հաշվի առնելով նրա կենսագրությունը և հանրային դժգոհությունները նրանից:
-Այդ հարցերի պատասխանը խնդրում եմ պահանջեք կառավարությունից, որովհետև կառավարության որոշումն է:
-Ինչպիսի՞ մարզպետ էր Սուրեն Խաչատրյանը:
-Նրա աշխատանքը բավականին գոհացուցիչ է եղել: Ես իրավունք չունեմ դրական գնահատական չտալ:
–Նկատի ունեք ընտրությունների ընթացքում բավականին լավ աջակցե՞լը:
-Մարզպետների կամ պաշտոնյա այլ անձանց գնահատականները ես չեմ տալիս ընտրական գործընթացով պայմանավորված, այլ աշխատանքային: Ոչ աշխատանքային միջադեպերի համար գնահատականներ կտան համապատասխան մարմինները:
–Պարոն Բաղդասարյան, ի՞ նչ եք կարծում, Գագիկ Ծառուկյանի վերադարձը որքանո՞վ է հավանական: Մամուլում հրապարակում կար այն մասին, որ արդեն իսկ հանդիպում է տեղի ունեցել նրա հետ:
-Ես վաղուցվանից որդեգրել եմ սկզբունք, որ մամուլի որևէ հրապարակում չմեկնաբանեմ: Եթե փաստը վավերացվի, կխոսենք այդ մասին:
Մանրամասները՝ տեսանյութում:
