Հայաստանի ազգային պատկերասրահի որմնանկարների դահլիճում կայացավ Ռուբեն Դրամբյանի ծննդյան 125-ամյակին նվիրված գիտաժողով։
Արվեստաբան, թանգարանագետ ու մտավորական Դրամբյանն ազգային պատկերասրահի և հայ թանգարանագիտության հիմնադիրն է։ Գիտաժողովին ներկա էր նաև ՀՀ մշակույթի նախարար Արմեն Ամիրյանը։
«Գտնվելով որմնանկարների փառահեղ դահլիճում, մտովի մի պահ պատկերացնենք, թե ինչ տիտանական աշխատանքով է Ռուբեն Դրամբյանը ստեղծել այս ամեը։ Փորձենք պատկերացնել հեռավոր 1924 թվականը. հողաշեն, հոգսաշատ, գաղթականներով լեցուն Երևանը։ Եվ այդ Երևանում կերպարվեստի պետական թանգարանի բացումը մի տեսակ ուտոպիստական և տարօրինակ էր թվում։
Ապա փորձենք պատկերացնել Երևանը մեծ հայրենական պատերազմի տարիներին։ «Ամեն բան ռազմաճակատի համար» կարգախոսը դժվար թե ժամանակ և միջոցներ թողներ մտածելու պատկերասրահի խնդիրների մասին, բայց Դրամբյանը հավատում և տեսնում էր այս օրը: Նրա երազանքները շատ իրական էին»,- ասաց Արմեն Ամիրյանը։
Նրա խոսքով, Դրամբյանի հայենասիրության և մշակութային անձնազոհ նվիրվածության շնորհիվ է, որ այսօր ունենք պատմության թանգարան։ «Մենք ունենք շուրջ 40000 չքնաղ ցուցանմուշ, սակայն ամբողջ պատկերասրահում ցուցադրում ենք միայն 3500-ը»:
ԳԱ թղթակից անդամ Հենրիկ Հովհաննիսյանը նշեց, որ դահլիճում երևի միակ մարդն է, ով եղել է Ռուբեն Դրամբյանի ուսանողը։ Պատմեց իր հիշողությունների մասին։
Մանրամասները՝ տեսանյութում:
