Նոյեմբերյանում սեպտեմբերի 18-ին կայանալիք ընտրությունները հետաքրքիր են լինելու. կառավարության որոշմամբ Նոյեմբերյանին են միացվել 8 համայնքներ, և մի քանի համայնքների ղեկավարներ իրենց թեկնածությունն են առաջադրել Նոյեմբերյանի քաղաքապետի ընտրություններում: Նոյեմբերյանի քաղաքապետի թեկնածություն են առաջադրել 7 թեկնածուներ:
«Առաջին լրատվական»- ի հետ զրույցում հինգերորդ անգամ առաջադրվող քաղաքապետի թեկնածու, գործող քաղաքապետ Վանուշ Աղամիրյանը նշեց, որ 11 տարի ՏԻՄ ոլորտում աշխատելով ձեռք բերած փորձը, կարողությունները, աշխատանքին քաջատեղյակ լինելը, ճանաչված լինելը թույլ կտան առաջիկայում խոշորացված համայնքի պարագայում ևս համանքի ղեկը վերցնել իր ձեռքը:
Վանուշ Ամիրաղյանի խոսքով՝ Նոյեմբերյանում կան խնդիրներ, և դրանք միշտ էլ կլինեն: «Նոյեմբերյանի քաղաքապետարանի բուն գործունեությունը ժողովրդին ծառայություն մատուցելն է, այլ ոչ թե աշխատատեղ ստեղծելը, դա վեր է մեր ուժերից: Բայց հնարավորության սահմաններում համագործակցելով անհատ ձեռներեցների, տարբեր կազմակերպությունների հետ՝ մտածում ենք նաև լրացուցիչ աշխատատեղեր ունենալու և մեր համայնքի բնակիչներին աշխատանքով ապահովելու մասին»:
Մանրամասները՝ տեսանյութում:
