Գերմանիայի հավաքականի հարձակվող Մարիո Գոմեսը ներկայացվել է որպես «Ֆիորենտինա»-ի խաղացող:
Միջոցառմանը ներկա են եղել 20 000 երկրպագու: Այդ մասին հայտնում է իտալական ակումբի պաշտոնական կայքը:
Ֆուտբոլիստի տրանսֆերի արժեքը չի հրապարակվում: ՈւԵՖԱ-ի պաշտոնական կայքի հրապարակած տեղեկությունների համաձայն` «Ֆիորենտինա»-ն 16 մլն եվրո կվճարի 28-ամյա ֆուտբոլիստի տրանսֆերի դիմաց, սակայն ժամանակի ընթացքում նշված գումարը կարող է հասնել 20մլն եվրոյի:













































