Թուրքական Haber7 կայքի փոխանցմամբ՝ Թուրքիայի փոխվարչապետ Նուման Քուրթուլմուշը լրագրողների հետ զրույցում հայտարարել է, որ ԱՄՆ-ը պետք է օգտագործի իր ազդեցությունը՝ PYD-ի (Սիրիայի քրդեր) զինյալներին Եփրատ գետի արևելյան հատված դուրս բերելու համար:
«Թուրքիան չի կարող անմասն մնալ իր անվտանգության հարցում: ԱՄՆ-ը պետք է կատարի իր խոստումը PYD-ին Եփրատ գետի արևելյան ափ տեղաբաշխելու հարցում:
Եթե ողջ տարածաշրջանն անցնի PYD-ի վերահսկողության ներքո, ապա Սիրիան կմասնատվի: Մինչդեռ մենք հանդես ենք գալիս Սիրիայի տարածքային ամբողջականության օգտին»,- հայտարարել է Թուրքիայի փոխվարչապետը:
