«Յուվենթուս»-ի նորեկ Կարլոս Տևեսը նշել է, որ Իտալիայում ավելի ջանասիրաբար կմարզվի, քան Անգլիայում: 29-ամյա հարձակվողը որոշել է անել ամեն հնարավորը, որպեսզի թուրինյան ակումբը երրորդ անգամ նվաճի «սկուդետտո»-ն և հաջողությունների հասնի Եվրոպայում:
«Ես այստեղ եմ` աշխատելու և հաջողությունների հասնելու նպատակով: Առաջին մարզման կեսից հասկացա, որ այստեղ ավելի շատ եմ աշխատելու, քան Անգլիայում: Ես հանդես եմ գալու մի թիմում, որը երրորդ անգամ պայքարելու է չեմպիոնության համար և պատրաստ է նաև պայքարել Չեմպիոնների Լիգայում հաջողությունների հասնելու համար»,- Goal. com-ը մեջբերում է Տևեսի խոսքը:
Թուրինյան ակումբի երկրպագուները բուռն ծափահարություններով են դիմավորել Տևեսին` թիմի բաց մարզման ժամանակ: Արգենտինացին, ով ստացել է 10 համարը, որի ներքո հանդես են եկել Ալեսանդրո Դել Պյերոն և Միշել Պլատինին, խոստացել է արդարացնել իրեն ցուցաբերած վստահությունը: