Մարդու իմունային անբավարարության վիրուսի (ՄԻԱՎ) հիման վրա գենային թերապիան օգնել է թեթևացնել ծանր ժառանգական հիվանդություններով տառապող մարդկանց վիճակը՝ գրում են Science ամսագրում հրապարակված 2 հոդվածների հեղինակները:
«3 տարի է անցել կլինիկական փորձարկումներից, ու առաջին 6 հիվանդների բուժման արդյունքները մեզ շատ են հուսադրում՝ մեթոդն անվտանգ է ու արդյունավետ»,- բացատրել է Լուիջի Նալդինին՝ Միլանի գենային թերապիայի TIGET ինստիտուտի տնօրենը:
Եվս 10 մարդ բուժման պրոցեսում է:
Գիտնականները, որոնք աշխատում են Նալդինիի ղեկավարության ներքո, հիվանդների ոսկրածուծից վերցրել են ցողունային արյունաստեղծ բջիջներ ու մուտանտ գեները փոխարինել նորմալներով՝ օգտագործոլով հատուկ ռետրովիրուսներ՝ «կառուցված» ՄԻԱՎ-ի հիման վրա: Այնուհետև բժիշկները վերադարձրել են բջիջները ոսկրածուծ՝ գրում է RIA Novosti-ն:
Վիսկոտ-Օլդրիչ ախտանիշով հիվանդների «ուղղված» բջիջները սկսել էին զարգանալ արյան առողջ բջիջներում, ինչից և իմունային համակարգն ու տրոմբոցիտները սկսել էին նորմալ գործել:
Գիտնականները «ստիպել էին» ցողունային բջիջներին արտադրել ավելի շատ սպիտակուցներ՝ չեզոքացնելու նեյրոնների դեգրադացման հետևանքները:
