Ամերիկյան Սան Ֆրանցիսկո քաղաքի Բուշմեն (Դեյվիդ Ջոնսոն) անունով բնակիչը հայտնի է դարձել իր դերասանական տաղանդի, էվկալիպտի երկու ճյուղերի և ստվարաթղթե տուփի շնորհիվ:
Դեյվիդ Ջոնսոնն ապրում և աշխատում էր Ինդիանա նահանգում: Նա իրեն տարբեր աշխատանքներում էր փորձել, բայց ի վերջո որոշել էր տեղափոխվել Սան Ֆրանցիսկո: Նոր տեղում Ջոնսոնը կոշիկի մաքրման կետ է բացել, բայց առողջական վիճակն ու աճող մրցակցությունը նրան ստիպել են այլ աշխատանք որոնել: Հենց այդ ընթացքում էլ նրա մոտ նոր աշխատանքի գաղափար է ծնվել:
Տղամարդը նստել է ստվարաթղթե տուփի վրա, ծածկվել ստվար կանաչով և սկսել է ամբոխի մեջ զբոսաշրջիկների փնտրել: Հենց նրանք մոտենում էին «կենդանի» թփին նա պարզում էր իր ճյուղը և ստիպում նրանց մի կողմ ցատկել: Մարդկանց այնքան է դուր եկել այդ ներկայացումը, որ Դեյվիդին պարգևատրել են մի քանի դոլարով: Հաջորդ օրը նա կրկին վերդարձել էր նույն վայր՝ էվկալիպտի «հարձակումը» բեմադրելու համար:
Այդ օրվանից անցել է 30 տարի, բայց Բուշմենը դեռ Սան Ֆրանցիսկոյում է՝ նստած ստվարաթղթե տուփի վրա ու էվկալիպտի թփերով պատված, քանի որ այդ բիզնեսը նրան տարեկան 60.000 դոլարի եկամուտ է բերում:
