Լյուքսեմբուրգի վարչապետ և Եվրախմբի նախկին ղեկավար Ժոն-Կլոդ Յունկերը կարող է խորհրդարանի ճնշման պատճառով հրաժարական տալ: Պատգամավորները մեղադրում են վարչապետին նրանում, որ նա ի վիճակի չէ վերահսկել հատուկ ծառայությունների գործունեությունը: Այս մասին հայտնում է BBC-ն:
Քաղաքական գործիչն օրենսդիրների առջև կկանգնի հուլիսի 10-ին: Խորհրդարանականները մտադիր են պարզաբանումներ պահանջել այն մասին, թե ինչպես է Յունկերը թույլ տվել իր բյուրոյում գաղտնալսող սարքեր տեղադրել:
Վարչապետի գործընկերները՝ խորհրդարանական «Լյուքսեմբուրգյան սոցիալիստական աշխատանքային կուսակցությունից», աջակցել են հատուկ հանձնաժողովի եզրակացություններին: Հատուկ հանձնաժողովը ճանաչել է գաղտնալսող սարքերի առկայությունը:
Յունկերը 1995 թվականից Լյուքսեմբուրգի վարչապետն է, իսկ 2005 թվականին նշանակվել է Եվրախմբի ղեկավար:
Նշենք, որ Լյուքսեմբուրգում խորհրդարանական ընտրությունները նշանակված են 2014-ի մայիսին:
