Հայ գինեգործների միության նախագահ Ավագ Հարությունյանի կանխատեսմամբ՝ առաջիկայում գինեգործության ոլորտում լուսավոր շատ քիչ բան է սպասվում. «Կրկնվելու է այն, ինչ տեսանք անցած տարի՝ իրացումները այն ծավալներով չեն, ինչ ենթադրում էինք անցած տարի, դրան ավելացան նաև խաղողի պարտադիր ավելացումները, հայտնվել ենք նույն իրադրությունում՝ գործարանները չեն ուզում մթերել, կառավարության կողմից ադմինիստրատիվ մեթոդներ են կիրառվում, որպեսզի բերքը չմնա դաշտում, գործարանները մթերեն»:
Ա. Հարությունյանի խոսքով՝ 2014-2015թ. տնտեսությունը վերականգնվել էր, սակայն ռուբլու արժեզրկման հետևանքով սոցիալական լարվածություն առաջացավ: «Գործարաններն սկսեցին մթերել ոչ թե ելնելով մարկետինգային տեսանկյունից, այլ այնքան, որքան տեղավորելու հնարավրություն ունեին: Դա մի շարք բացասական հետևանքներ ունեցավ: «Մենք շեղվեցինք ճիշտ, օբյեկտիվ տնտեսական հարաբերություններից և վերադարձանք նախկին խորհրդային միության պլանային տնտեսության,- նշեց Ա. Հարությունյանը: Նա անդրադարձավ նաև հայկական կոնյակի և գինու արտահանման և իրացման խնդիրներին:
Մանրամասները՝ տեսանյութում:
