Sputnik լրատվական գործակալության փոխանցմամբ՝ Թբիլիսիի կենտրոնում գտնվող Ազատության հրապարակում Autograph Collection բարձրակարգ հյուրանոցի կառուցումը կավարտվի 2018 թվականին։
7-աստղանի հյուրանոցի ներդրումների ընդհանուր ծավալը կկազմի 90 միլիոն դոլար։ Նախագիծը ֆինանսավորելու է «Համաներդրման հիմնադրամը», որը ստեղծվել է նախկին վարչապետ, միլիարդատեր Բիձինա Իվանիշվիլիի նախաձեռնությամբ։
Հյուրանոցը կունենա 6 կատեգորիայի 220 համար, 2 կոնֆերանսի դահլիճ ու կոմերցիոն հարթակ, սպա և ֆիթնես կենտրոններ, լողավազան։ Մինչև 2017 թվականի ավարտը Վրաստանում կավարտվի ժամանակակից չափորոշիչներին համապատասխան 13 հյուրանոցների կառուցումը։
