Այսօր, ժամը 20-ին, նախատեսված է Հայաստանի հանրապետական կուսակցության (ՀՀԿ) գործադիր մարմնի նիստը: Այդ մասին «Ազատություն» ռադիոկայանի փոխանցել է կուսակցության խոսնակ, Ազգային ժողովի փոխնախագահ Էդուարդ Շարմազանովը:
Ըստ Շարմազանովի՝ նիստի ժամանակ քննարկվելու են «ներքաղաքական և ներկուսակցական հարցեր»:
Հիշեցնենք, որ անցած շաբաթ օրը կայացածքննարկման ժամանակ Հայաստանի նախագահ, Հանրապետական կուսակցության առաջնորդ Սերժ Սարգսյանը Վերահսկիչ պալատի աղմկահարույց հաշվետվության համատեքստում անդրադարձել էր նաև «խորհրդարանում քաղաքական մեծամասնության պահվածքին»՝ մասնավորապես, ասելով․ – «Մենք դա կքննարկենք մեր կուսակցությունում, որովհետև դա զուտ կուսակցական խնդիր է»: Ակնկալվում է, որ նման քննարկում տեղի կունենա Հանրապետականի գործադիր մարմնի այսօր կայանալիք նիստի ժամանակ:
