Ֆրանսիայի գործող չեմպիոն ՊՍԺ-ն մտադիր է ձեռք բերել «Նապոլի»-ի հարձակվող Էդինսոն Կավանիի տրանսֆերը:
Փարիզյան ակումբը պատրաստ է 47 մլն եվրո վճարել Ուրուգվայի ազգային հավաքականի խաղացողի տրանսֆերի դիմաց: ՊՍԺ-ի հետ Կավանիի տրանսֆերի համար պայքարում է Լոնդոնի «Չելսի»-ն:
« «Նապոլի»-ն հարուստ ակումբ է: Մենք խնդիրներ չունենք ֆինանսական ֆեյր-փլեյի հետ: Այնպես որ, մենք գումարի հետ կապված խնդիրներ չունենք: Եթե որևէ ակումբ ցանկանա հրավիրել նրան, ստիպված է լինելու վճարել 63 մլն եվրո:
Հակառակ պարագայում նա մեր ակումբում կխաղա մինչև պայմանագրի ժամկետի ավարտը՝ 2017թ.»,- հայտարարել է «Նապոլի»-ի նախագահ Աուրելիո դե Լաուրենտիսը:
