Մյունխենի «Բավարիա»-ի մարզական տնօրեն Մատիաս Զամերը անչափ գոհ է թիմի գլխավոր մարզիչ Խոսեպ Գվարդիոլայի հետ համագործակցությունից: Զամերի կարծիքով` իսպանացի մասնագետը հեշտությամբ է շփվում իր հետ և քննարկում հարցերը` կապված թիմի մարտավարության հետ:
«Մենք բազմաթիվ հարցեր ենք քննարկում: Կարելի է ասել, որ մշտապես շփվում ենք միմյանց հետ: Գվարդիոլան ընդունում է «Բավարիա»-ի փիլիսոփայությունը, իսկ մենք` նրա գաղափարները»,- Marca-ն մեջբերում է Զամերի խոսքը:
Հիշեցնենք` «Բարսելոնա»-ի նախկին գլխավոր մարզիչը «Բավարիա»-ի գլխավոր մարզչի պաշտոնում փոխարինել է Յուպ Հայնկեսին, ով նախորդ մրցաշրջանում բոլոր մրցաշարերի հաղթող է դարձել:
