Երեքշաբթի Հորդանան գետի Արևմտյան ափին իսրայելցի զինվորականների հետ բախումների հետևանքով զոհվել է պաղեստինցի երիտասարդ, հաղորդում է RIA Novosti-ն:
Պատահարը տեղի է ունեցել Խևրոն քաղաքի մոտ, որտեղ տեղի բնակիչները իսրայելցի զինվորականներին, որոնք, ենթադրաբար, ժամանել էին ահաբեկչական գործունեության մեջ կասկածվողներին ձերբակալելու համար, քարերով են դիմավորել:
Պաղեստինցիները պնդում են, որ բանակային ջիպը վրաերթի է ենթարկել 19-ամյա Մութազ Շարաունային:
Հիմնվելով նախնական հետաքննության վրա՝ իսրայելցի զինվորականները հաղորդում են, որ պաղեստինցու վրա կրակ են բացել այն ժամանակ, երբ նա հարձակվել է ավտոմեքենայի վրա:
