Երեկ Լոնդոնում Sotheby՝s աճուրդի տան կողմից կազմակերպված իմպրեսիոնիզմի և մոդեռնիզմի ստեղծագործությունների աճուրդն ավելի քան 103.2 մլն ֆունտ ստերլինգ է բերել։ Թոփ լոտ է դարձել Պաբլո Պիկասոյի «Նստած կինը» կտավը։ Այս մասին հայտնում է RIA Novosti-ն՝ հղում անելով աճուրդի տան ներկայացուցչին։
«Նստած կինը», որը գնահատվել է ավելի քան 28 մլն ֆունտ, վաճառվել է 43.3 մլն ֆունտով։ Աճուրդի տան փորձագետների կարծիքով՝ կտավն իրենից ներկայացնում է կուբիզմի ոճով արված մեծագույն դիմապատկերներից մեկը։ Նկարը դարձել է ամենաթանկ գործը, որ վաճառվել է Լոնդոնում վերջին 5 տարում։ Բացի այդ, այն կուբիզմին առնչվող նկարների համար արժեքի ռեկորդ է սահմանել։
Մոդիլյանիի նկարը, որում պատկերված է հեղինակի սիրելին՝ մոդել, նկարչուհի Ժաննա Էբյուտերնը, ով վերջ է դրել կյանքին նրա մահից անմիջապես հետո, վաճառվել է 38.5 մլն ֆունտով։
Պոլ Գոգենի «Խնձորներով նատյուրմորտը» եզրափակում է թոփ լոտերի եռյակը։ Աշխատանքը վաճառվել է 3.4 մլն ֆունտով՝ մինչդեռ մեկնարկային գինը եղել է 2.2-2.8 մլն։
Էդվարդ Մունկի «Ճիչ» վիմագրությունն իրացվել է 1.8 մլն ֆունտ ստերլինգով։
