50-ամյա տղամարդը մահացել է ինքնահրկիզման հետևանքով՝ Մարոկկոյի կենտրոնական Մեքնես շրջանում: Նման կերպ նա բողոք է արտահայտել տեղի իշխանությունների դեմ՝ իրեն աշխատանքով չապահովելու համար։ Աշխատանքը նրան պետք էր, որպեսզի հոգար հիվանդ կնոջ բուժման ծախսերը: Այս մասին հաղորդում է France Press գործակալությունը:
Քաղաքապետարանի շենքի մերձակայքում ինքնասպանության դիմած մարդը գործազուրկ էր և 5 երեխաների հայր: Նա հնարավորություն չի ունեցել վճարել բժշկական ծառայությունների դիմաց:
Նշենք, որ բողոքի նման ձևերը տարածված են Հյուսիսային Աֆրիկայի երկրներում:
