Անգլիայի հավաքականի գլխավոր մարզիչ Ռոյ Հոջսոնը «Եվրո-2016»-ի ամենաբարձր վարձատրվող մարզիչն է: Մասնագետը տարեկան 5 մլն եվրո է վաստակում: Երկրորդը` Իտալիայի ընտրանու մարզիչ Անտոնիո Կոնտեն է, ում տարեկան աշխատավարձը 4,1 մլն է կազմում, երրորդը` Թուրքիայի թիմի գլխավոր մարզիչ Ֆաթիհ Թերիմն է` 3,5 մլն աշխատավարձով:
Այնուհետև` Գերմանիայի հավաքականի գլխավոր մարզիչ Յոահիմ Լյովի տարեկան աշխատավարձը 3,2 մլն եվրո է կազմում, Իսպանիայի ընտրանու գլխավոր մարզիչ Վիսենտե Դել Բոսկեի` 3 մլն, Ֆրանսիայի ազգային թիմի գլխավոր մարզիչ Դիդիե Դեշամի` շուրջ 2 մլն:
«Եվրո-2016»-ի մասնակից թիմերի գլխավոր մարզիչներից ամենացածր աշխատավարձը ստանում է Ռումինիայի ընտրանին գլխավորող Անգել Իորդենեսկուն` տարեկան 120 հազար եվրո:
