ԱՄՆ-ում ավելի քան 6000 մարդ ստորագրել է առանց հսկողության մնացած և արդյունքում գորիլայի վանդակն ընկած երեխայի ծնողներին պատժելու կոչով միջնորդագրի տակ: Հանրությունը վրդովված է նրանց անպատասխանատու վարքից, որը հանգեցրել է կենդանու սպանության՝ հայտնում է TASS-ը:
«Գորիլան սատկեց այն պատճառով, որ երեխայի ծնողները չեն հսկել նրան: Հակառակ դեպքում նա չէր կարողանա հայտնվել 17 տարեկան արու գորիլայի՝ Խարամբեի վանդակում: Այդ ծնողները պետք է պատասխանատվություն կրեն երեխային առանց հսկողության թողնելու համար»,- ասվում է «Արդարություն Խարամբեի համար» միջնորդագրում:
Նախօրեին Ցինցինատիի կենդանաբանական այգու աշխատակիցները սպանել են գորիլային, երբ նրա վանդակում է հայտնվել 3-ամյա տղան: Կենդանին բռնել է երեխային և մոտ 10 րոպե սկսել քարշ տալ վանդակով մեկ:
Երեխան հոսպիտալացվել է կյանքին վտանգ չսպառնացող վնասվածքներով:
