Հնդկաստանի մայրաքաղաք Նյու Դելիի իշխանությունները սկսել են տարհանել Յամունա գետի մոտ տեղակայված շրջանների բնակիչներին:
NDTV հեռուստաալիքի փոխանցմամբ՝ քաղաքի իշխանությունները համապատասխան ծառայություններին կարգադրել են տարհանել գետի ափերի մոտ բնակվող ընտանիքներին: Մինչև չորեքշաբթի նրանց համար պետք է կառուցվեն վրանային քաղաքներ՝ ժամանակավոր կացության համար:
Նշենք, որ կիրակի ջուրը հասել է նույնիսկ Ինդիրա Գանդիի անվան միջազգային օդանավակայանի մի շարք տերմինալներ: Այս տարի Հնդկաստանի հյուսիսում, այդ թվում՝ մայրաքաղաքում, անձրևների սեզոնները շատ ավելի վաղ են սկսվել, քան սովորաբար: Բնական աղետի հետևանքով զոհերի թիվը գերազանցում է 60-ը:
Օդերևութաբանները հաղորդում են, որ անձրևները կարող են տևել ևս մի քանի օր:
