Մադրիդի «Ռեալ»-ի կիսապաշտպան Լուկա Մոդրիչը պատասխանել է «Մանչեսթեր Սիթի»-ի գլխավոր մարզիչ Մանուել Պելեգրինիին։ Չիլիացի մասնագետը հայտարարել էր, որ իր թիմն ուժեղ էր «Ռեալ»-ից։
Հիշեցնենք, որ մադրիդյան ակումբը մրցակցի նկատմամբ առավելության հասավ 1։0 հաշվով ու դուրս եկավ Չեմպիոնների լիգայի եզրափակիչ։
«Մենք արժանի էինք եզրափակիչ դուրս գալ, քանի որ երկու խաղում էլ ավելի ուժեղ էինք։ Պելեգրինին ունի իր կարծիքը։ Առաջարկում եմ երկու խաղերի կտրվածքով ուշադրություն դարձնել մեր ստեղծած վտանգավոր պահերին։
Նրանք գոլ խփելու շանս գրեթե չունեին։ Դա մեր վաստակն է։ Շնորհակալ եմ երկրպագուներին աջակցության համար, որը նրանք ցուցաբերում են ամեն խաղում»,- Մոդրիչի խոսքերը մեջբերում է Marca-ն։
