Գերմանիայի հավաքականի գլխավոր մարզիչ Յուլիան Նագելսմանին խնդրել են կամավոր հրաժարական տալ։
Այս մասին հաղորդում է Bild-ը։
Ֆրանկֆուրտում գտնվող Գերմանիայի ֆուտբոլային ասոցիացիայի գլխավոր գրասենյակում տեղի է ունեցել մարզչի հետ երեքժամյա հանդիպում։
38-ամյա մարզչին հնարավորություն է տրվել արտահայտել իր կարծիքը Պարագվայի հավաքականից կրած պարտության (1-1, 3-4 11 մետրանոց հարվածաշարով) և 2026 թվականի աշխարհի առաջնության 1/8 եզրափակչում դուրս մնալու վերաբերյալ։
Նագելսմանին նաև հարցրել են իր մարտավարական որոշումների և թիմի ներսում տիրող «ընտանեկան և բարեկամական մթնոլորտի» մասին։ Գերմանիայի հավաքականի նախկին խաղացող Լոտար Մաթեուսը նախկինում քննադատել էր մրցաշարում ընտանիքների ներկայությունը։
Մարզչին խնդրել են մտածել կամավոր հրաժարական տալու մասին։ Գերմանական ֆուտբոլի կառավարող մարմինը ցանկանում է, որ նա հեռանա «գլուխը բարձր պահած»։
Նշվում է, որ Գերմանիայի ֆուտբոլային ասոցիացիան քննարկում է Նագելսմանին 7 միլիոն եվրո տուգանք վճարելու հարցը, եթե նա հրաժարական տա։ Նրա հեռանալը ազգային հավաքականից համարվում է «կայացած գործ»։ Նագելսմանին պայմանագիրը ազգային հավաքականի հետ նախատեսված է մինչև 2028 թվականը։ Նա թիմի հետ է 2023 թվականի սեպտեմբերից։
Նշվում է նաև, որ հավաքականը կարող է գլխավորել Յուրգեն Կլոպը։
