Մադրիդի «Ռեալ»-ի նախկին գլխավոր մարզիչ Կարլո Անչելոտին բարձր է գնահատում թիմի ներկայիս գլխավոր մարզիչ Զինեդին Զիդանի կատարած աշխատանքը։ Անչելոտին «Ռեալ»-ից հեռացվել էր Չեմպիոնների լիգայի 10-րդ գավաթը նվաճելուց 12 ամիս հետո։
«Զիդանի թիմը հիշեցնում է իմ «Ռեալ»-ը։ Նրանք եզրափակիչ դուրս գալու սենսացիոն հնարավորություն ունեն ու նորից հիմնական ուշադրությունը կենտրոնացրել են Չեմպիոնների լիգայի վրա։
Զիդանը հրաշալի խաղացողներ ունի իր տրամադրության տակ։ Նա լուծումներ կգտնի այն դիրքերում, որտեղ վնասվածք ստացած խաղացողների պատճառով խնդիրների առջև է կանգնել։
«Ռեալ»-ի համար, իսկապես, բարդ մրցավեճ է լինելու։ «Սիթի»-ի խնդիրն այն է, որ կան շատ հզոր ֆուտբոլիստներ, սակայն մարզիչը կարող է գործի մեջ տեսնել նրանցից միայն 11-ին։ Հենց այդ պատճառով իր տեղը թիմում չի կարողանում գտնել, օրինակ՝ Ստերլինգի պես ֆուտբոլիստը»,- Անչելոտիի խոսքերը մեջբերում է ՈւԵՖԱ-ի պաշտոնական կայքը։
