Վրաստանի գյուղատնտեսության նախարարության գինու ազգային գործակալության ղեկավար Լևան Դավիթիշվիլին հերքել է մամուլում տարածված այն լուրերը, որ արդեն սկսվել է վրացական կոնյակի ՌԴ արտահանումը: «Վրացական ընկերություններից մեկն արդեն պատրաստել է կոնյակի ՌԴ արտահանվող առաջին խմբաքանակը: Այսօր կավարտվի արտահանման համար անհրաժեշտ փաստաթղթերի ձևակերպումը, և սպասվում է, որ հունիսի 11-ին այդ մթերքը հատուկ բեռնատար ավտոմեքենաներով ՌԴ կուղարկվի՝ Կազբեկ-Վերին Լարս անցակետերով»,- ասել է Դավիթիշվիլին:
«Ենթադրվում է, որ արդեն այս շաբաթվա վերջում Մոսկվայում կսկսվի վրացական կոնյակների վաճառքը: Հաջորդ շաբաթ մեր ընկերությունները նաև կսկսեն Ռուսաստան գինու արտահանումը»,- հավելել է նա:
