Բայրոնի փողոցի վրա գտնվող «Էյթիս» բարում այս գիշեր գողություն է կատարվել:
Ինչպես «Առաջին լրատվական»-ի հետ զրույցում պատմեց բարի սեփականատեր Հակոբ Բերբերյանը գողացել են հեռուստացույցը, նոթբուքը՝ ընդհանուր առմամբ պատճառվել է 600.000 դրամի վնաս:
Բարի սեփականատիրոջը զանգահարել են ոստիկանությունից` տեղեկացնելով, որ ջարդել են դռան ապակին, ներս խուժել և կատարել գողություն, ինչից անմիջապես հետո Հ․ Բերբերյանը եկել է բար:
Նշենք նաև, որ սեփականատերը զարմացած էր գողի, այսպես ասած, գործելաոճից, քանի որ գումարը եղել է շատ ակնհայտ վայրում, սակայն գողը վերցրել է միայն հեռուստացույցն ու նոթբուքը: Հանցագործը նաև խառնել էր մի քանի իրերի դասավորվածություն, այդ թվում` որոշ խմիչքներ իրենց տեղերում չէին, սակայն խմիչքներից և ոչ մեկն իր հետ չէր տարել:
Հավելենք, որ ըստ երևույթին ապակին ջարդելիս գողը ինքն իրեն վնասել էր, քանզի տեսանելի էին արյան հետքեր:
Այս պահին ոստիկանությունում նյութեր են նախապատրաստվում՝ հանցագործությունը բացահայտելու համար, սեփականատերը ոչ ոքի չի կասկածում, քանզի իրենց բարում միշտ ընկերական ջերմ մթնոլորտ է և «թշնամիներ»` որպես այդպիսիք դժվարացավ նշել:
Ոստիկաններն, ամենայն հավանականությամբ, արագ կբացահայտեն գործը, որովհետև տեղանքում կան տեսախցիկներ, որոնք հավանաբար ֆիքսել են հանցագործին:
