«Բարսելոնա»-ի հարձակվող Լիոնել Մեսսին հայտարարել է, որ դեմ չի լինի վերադառնալ Արգենտինա: Ֆուտբոլիստը, սակայն, նշել է, որ այս իրավիճակում ամեն ինչ չէ, որ կախված է իր ցանկությունից:
«Արգենտինա վերադառնալու դեպքում կցանկանայի խաղալ «Նյուելզ Օլդ Բոյզ»-ում: Սակայն ես արդեն ասել եմ, որ չգիտեմ, կվերադառնամ արդյոք Արգենտինա, կամ երբ դա կարող է տեղի ունենալ: Կարծում եմ` դա տեղի կունենա առաջիկա մի քանի տարիների ընթացքում:
Իրականությունն այնպիսին է, որ ես չեմ կարող որևէ բան խոստանալ, քանի որ վստահ չեմ: Ամեն ինչ չէ, որ իմ կամքից ու ցանկությունից է կախված»,-AS-ը մեջբերում է Մեսսիի խոսքերը:
