Արևմտյան կոալիցիայի ինքնաթիռները հարվածներ են հասցրել ԴԱԻՇ-ի 4 հրամանատարական կենտրոնների ուղղությամբ Իրաքում: TASS-ի հաղորդմամբ՝ այս մասին երեքշաբթի Էբրիլում հայտնել է Ֆրանսիայի պաշտպանության նախարար Ժան-Իվ Լե Դրիանը, որն այցով Իրաքում է:
«Ներկայումս մենք շրջափակում ենք Մոսուլ քաղաքը՝ պայքարի պատրաստություն իրականացնելով, որը ծանր կլինի: 2 օր առաջ կոալիցիայի ուժերը ֆրանսիական ավիացիայի մասնակցությամբ հարվածներ են հասցրել ԴԱԻՇ-ի հրամանատարական կենտրոնների ուղղությամբ Մոսուլում: Արդյունքում 4 կարևոր կենտրոն է ոչնչացվել»,- ասել է նախարարը:
Նա վստահություն է հայտնել, որ «մինչև այս տարվա վերջ Մոսուլը կազատագրվի»: «Ես դրա հույսն ունեմ, և դրա հույսն ունեն այն քաղաքական գործիչները, որոնց հետ ես այստեղ՝ Իրաքում, բանակցել եմ: ԴԱԻՇ-ի ոչնչացման նպատակը մինչև տարեվերջ հասանելի է: Ես չեմ պնդում, որ հենց այդպես կլինի, բայց դա հնարավոր է»,- ասել է Լե Դրիանը:
