Լոնդոնյան երկու ակումբները` «Արսենալ»-ն ու «Չելսի»-ն հանդես են եկել հայտարարությամբ` հերքելով իրենց թիմերի ֆուտբոլիստների կողմից արգելված խթանիչներ օգտագործելու մասին լուրերը:
««Արսենալ» ֆուտբոլային ակումբը ծայրահեղ անհանգստացած է տարածված ապատեղեկատվության կապակցությամբ: Լուրերն անհիմն են: The Sunday Times-ը` իմանալով, որ որևէ ապացույց չկա, հրապարակել է տեղեկատվությունը: Ուստի կարծում ենք, որ պարբերականը պետք է պատասխանատվություն կրի դրա համար: Հայտարարում ենք, որ մեր ակումբը հստակ հետևում է Համաշխարհային հակադոպինգային գործակալության բոլոր ցուցումներին»,- ասված է «զինագործներ»-ի հայտարարության մեջ:
««Չելսի»-ի վերաբերյալ The Sunday Times-ի տարածած տեղեկությունները կեղծ են և անհիմն: Մեր ակումբը երբեք չի համագործակցել բժիշկ Բոնարի հետ և հերքում է թիմի խաղացողների համագործակցությունը նրա հետ: Դոպինգի խնդրին մոտենում ենք ամենայն լրջությամբ և լիովին պահպանում հակադոպինգային բոլոր կանոններն ու օրենքները»,- հայտարարել են «արիստոկրատներ»-ը:
Հավելենք, որ բացի նշված երկու ակումբներից, արգելված խթանիչների օգտագործման մեջ կասկածվում են «Լեսթեր»-ի, «Մանչեսթեր Սիթի»-ի, «Տոտենհեմ»-ի և «Բիրմինհեմ»-ի ֆուտբոլիստները:
