«Լեսթեր»-ի գլխավոր մարզիչ Կլաուդիո Ռանիերին «Սաութհեմփթոն»-ի հետ հանդիպման նախախաղային մամլո ասուլիսում անդրադարձել է իր թիմի ելույթներին.
«Ճնշումը մրցաշրջանի սկզբում էր, երբ գոյության պայքար էինք մղում: Հիմա այս ամենը մեզ դուր է գալիս: Թիմը լավ ընթացք է հավաքել: Պետք է շարունակել նույն կերպ: Ամեն ինչ մեր ձեռքերում է:
Առջևում «Լեսթեր»-ի պատմության կարևորագույն 6 շաբաթն է: Մրցաշրջանի այս հատվածում «Լեսթեր»-ը երբեք նման բարձր դիրք չի գրավել, երբեք այսքան մոտ չի եղել կարևոր նվաճմանը: Առաջ ենք շարժվելու քայլ առ քայլ»,- Ռանիերիի խոսքերը մեջբերում է Mirror-ը:
Հիշեցնենք, որ Անգլիայի Պրեմիեր լիգայի 31-րդ տուրից հետո «Լեսթեր»-ը 66 միավորով գլխավորում է մրցաշարային աղյուսակն ու երկրորդ տեղը զբաղեցնող «Տոտենհեմ»-ին գերազանցում 5 միավորով:
