Հայաստանի հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը նշել է, որ հետևել է Լոնդոնի «Արսենալ»-ի, «Բարսելոնա»-ի, «Շտուտգարտ»-ի և «Կռիլյա Սովետով»-ի նախկին կիսապաշտպան Ալեքսանդր Գլեբի խաղին:
«Բավականություն էի ստանում Գլեբի խաղից: Հիշողությանս մեջ հիանալի է պաշտպանվել տեխնիկապես հզոր այդ ֆուտբոլիստը: Հենց այնպես չէ, որ նա խաղացել է այդպիսի թիմերում: Գլեբը բելոռուսական ֆուտբոլի լեգենդն է:
Նա այնքան էլ արագավազ ֆուտբոլիստ չէր, բայց գնդակով արագ էր աշխատում: Շատ խաղեր եմ դիտել Գլեբի մասնակցությամբ և ինչ-որ բան սովորել եմ»,- «Прессбол»-ը մեջբերում է Մխիթարյանի խոսքերը:
