ՄԱԿ-ի գլխավոր քարտուղար Պան Գի Մունը դատապարտել է Անկարայի ահաբեկչությունը, որի զոհն է դարձել, վերջին տվյալներով, 34 մարդ։ Նա խորին ցավակցություն է հայտնել զոհերի ընտանիքներին։
«ՄԱԿ-ը շարունակում է աջակցությունը Թուրքիայի ժողովրդին ու կառավարությանն այս դժվարին ժամանակում»,- ասվում է փաստաթղթում, որը տեղակայվել է համաշխարհային կազմակերպության կայքում։
ՆԱՏՕ-ի գլխավոր քարտուղար Յենս Սթոլթենբերգը վճռականորեն դատապարտել է ահաբեկչությունն Անկարայում և վստահեցրել Թուրքիային դաշինքի զորակցության ու ահաբեկչության դեմ պայքարում վճռականության մասին։
«Ես վճռականորեն դատապարտում եմ Անկարայի կենտրոնում՝ ավտոբուսի կանգառում ահաբեկչությունը։ Ես խորին ցավակցություն եմ հայտնում զոհերի ընտանիքներին ու մերձավորներին և Թուրքիայի ժողովրդին»,- հայտարարել է դաշինքի գլխավոր քարտուղարը։
Սթոլթենբերգի խոսքով՝ նման գործողություններն արդարացում չունեն։
«ՆԱՏՕ-ի բոլոր դաշնակիցները զորակցում են Թուրքիային և վճռականորեն տրամադրված են պայքարելու ահաբեկչության դեմ բոլոր ուղղություններով»,- ասվում է Սթոլթենբերգի հայտարարության մեջ՝ փոխանցում է RIA Novosti-ն։
