Քանյե Ուեսթը շարունակում է պահել սկանդալային ռեփերի իմիջը: Նախ՝ նա Twitter-ում Wiz Khalifa-ի հետ լեզվակռիվ է սարքում սեփական ալբոմի անվան շուրջ: Հետո իր էջում 1 մլրդ դոլար է խնդրում միլիարդատեր Մարկ Ցուկերբերգից: Այնուհետո Քանյեն հայտարարում է, որ ինքը «50%-ով ավելի ազդեցիկ է, քան Պիկասոն»՝ հիշեցնում է spletnik.ru-ն:
Ներքին աղբյուրների հաղորդմամբ՝ Քիմ Քարդաշյանը բոլորովին հիացած չէ ամուսնու նման «ելույթներից»: Զույգին մոտ աղբյուրներից մեկի տվյալներով՝ Քիմն ուզում է, որ ամուսինը պրոֆեսիոնալ օգնության դիմի:
«Քիմը շատ անհանգստացած և վշտացած է: Նա և Քանյեն մեծ խնդիրներ ունեն, որոնք շարունակում են աճել: Քիմը պահանջել է, որ Քանյեն դիմի մասնագետների օգնությանը»,- հայտնում է ներքին աղբյուրը:
Նրա խոսքով՝ իր դժգոհությունը Քարդաշյանը երկար ժամանակ իր մեջ է պահել, բայց ամեն ինչ սահման ունի: Աղբյուրը նաև նշել է, որ Քանյեն դեռ չի համաձայնվում բժշկի դիմել:
